Шинэ мэдээ
Их уншсан
Уншиж байна ..
Нийслэл

Лавлагаа, мэдээллийг сайжруулах, цахимжуулах ажлын хэсэг хуралдлаа

Энэ жилийг “Иргэдийн оролцоотой-Амьдрах орчныг сайжруулах жил” болгон зарласан. Жилийн хүрээнд олон ажил хийж гүйцэтгэхээр төлөвлөсөн бөгөөд тодорхой үүрэг чиглэл бүхий ажлын хэсгүүд байгуулагдсан. Ялангуяа нийслэлийн нутгийн захиргааны байгууллагуудаас үзүүлж буй төрийн үйлчилгээний шат дамжлагыг багасгаж, төрийн үйлчилгээг цахимжуулах чиглэлээр онцгойлон анхаарч ажлын хэсгүүд байгуулсан байна.
 
Нийслэлийн Засаг даргын Тамгын газрын даргын 2018 оны А/17 дугаар тушаалаар “Нийслэлийн нутгийн захиргааны байгууллагуудаас үзүүлж буй төрийн үйлчилгээний шат дамжлагыг судлах, үйлчилгээний процессыг дахин загварчлах, цахимжуулах нөхцөлийг бүрдүүлэх”  үүрэг бүхий Дэд ажлын хэсгийг байгуулсан. Ажлын хэсгийн хурал нийслэлийн Үйлчилгээний нэгдсэн төвд болж, нийслэлийн Үйлчилгээний нэгдсэн төвийн дарга Б.Ууганбат, нийслэлийн Мэдээллийн технологийн газрын дарга О.Чинзориг болон ажлын хэсгийн гишүүд, холбогдох мэргэжилтнүүд оролцов.
 
Хуралдаанаар нийслэлээс үзүүлж буй үйлчилгээний талаарх лавлагаа, мэдээллийг сайжруулах, цахимжуулах ажлыг судлах, ажлын даалгавар боловсруулах, иргэдийн өргөдөл, санал хүсэлт, гомдол шийдвэрлэлтийн үйл явцыг хурдасгах боломж зэрэг олон асуудал хэлэлцэж, санал солилцлоо гэж нийслэлийн Мэдээллийн технологийн газраас мэдээллээ.
 
СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)