УИХ-ын гишүүн Н.Учрал МАН-ын дэргэдэх Нийгмийн Ардчилал залуучуудын холбооны дэд ерөнхийлөгчөөр ажилладаг. Тэрээр НАМЗХ-ны дэд ерөнхийлөгчийн хувиар Бүх Хятадын залуучуудын байгууллагын ерөнхий нарийн бичгийн дарга Фү Женбан тэргүүтэй зочид төлөөлөгчидтэй уулзалт хийлээ.
Энэхүү уулзалтаар Монгол Улс, БНХАУ-ын залуучуудын байгууллагуудын хамтын ажиллагааны талаар ярилцлаа.
Ингэхдээ БНХАУ-ын дарга Си Жинпинь Монголд хийсэн айлчлалын үеэр шийдэгдсэн залуучууд солилцооны хөтөлбөрийн үр дүн, цаашдын авч хэрэгжүүлэх арга хэмжээний талаар санал солилцсон юм.
