МҮБХ-ноос 2022-2023 онд зохион байгуулах улирлын барилдаануудад цахим бүртгэлийн системийг ашиглах болжээ. Ингэснээр бөхчүүд цаашдын барилдаануудад гар утсаараа нэг товчлуур дараад бүртгүүлэх, бүртгэлээ цуцлах, өөрийн зураг, аймаг, сум, цол, харьяа байгууллага зэрэг мэдээллийг цаг тухайд нь солиулах боломжтой болох аж. Бүртгэлээ www.devjee.mn сайтад нэвтэрч, зааврын дагуу өөрийн мэдээллийг илгээн баталгаажуулснаар барилдах эрх үүсэх юм гэж Монголын үндэсний бөхийн холбооноос мэдээллээ.
