Дэлхий дахинаа "Амьд барби" хэмээн танигдсан Украйны алдарт дуурийн дуучин, загвар өмсөгч Валерия Лукьянова өнөөдөр 06:25 цагт Чингис хаан олон улсын нисэх онгоцны буудалд газарджээ.
Тэрээр манай улсад зохиогдож буй "Face of Beauty International-2016” олон улсын гоо бүсгүйн тэмцээний хүндэт зочноор ийн уригдан ирсэн юм.
Тус тэмцээнд дэлхийн 60 гаруй орны миссүүд оролцож титмийн төлөө өрсөлдөх бөгөөд Монгол улсыг төлөөлж Э.Урангоо оролцож буй.
"Face of Beauty International" олон улсын гоо бүсгүйн тэмцээний хаалтын ёслол энэ сарын 8-ны өдөр 19:00 цагт Буянт-Ухаа цогцолборт болох ба энэ үдэш тэргүүн титмийн эзнээ тодруулах юм.