Шинэ мэдээ
Их уншсан
Уншиж байна ..
Нийслэл кафе

Монгол HD телевиз “The Voice” шоуг үзэгчдийн хүртээл болгоно

Дэлхийн телевизийн салбарын хамгийн том контент "The Voice" шоуг "Авьяаслаг Монголчууд" шоуг хоёр жил дарааллан амжилттай зохион байгуулсан "Монгол ТВ"-ийн уран бүтээлчид эх орондоо хийхээр болжээ. Голланд улсаас гаралтай "The Voice" шоу нь анх 2010 онд зохиогдож өдгөө дэлхийн 62 улсад хийгдээд байгаа. Тус шоу нэвтрүүлэг нь “Авьяас, Чанар, Чадвар” гурвын төгс хослолоос бүрдэх бөгөөд “Зөвхөн шилдэг” -үүд оролцдогоороо бусад авьяас тодруулах шоунаас ялгаатай юм.
 
Энэ талаар "Монгол ТВ"-ийн захирал Ч.Номин “Шоуг 2015 оноос энэ төслийг хийхээр хөөцөлдөж эхэлсэн юм. Бүтэн жил хэлэлцээр хийсний дараагаар сүүлийн таван сарын хугацаанд гэрээний нөхцөл болгон дээрээ тохиролцоонд хүрч өнгөрсөн сард гэрээгээ эцэслэлээ. Нэвтрүүлгийн бэлтгэл ажлыг хангах сургалт хоёрдугаар сарын 18-нд эхлэх гэж байна” хэмээн ярьжээ.
 
Тэгвэл шоуны шалгаруулалт, телевизээр гарах эхний шат буюу сонсох шат, хоёрдугаар шат буюу халз тулаан, гуравдугаар шат буюу хагас шигшээ амьд тоглолт, финал гэсэн дөрвөн үе шаттай явагдах юм. “The Voice” шоунд оролцогчдыг эфирт гарахаас өмнө хоёр удаа урьдчилсан шалгаруулалтад оруулах аж.
 
 
СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)