Худалдаа хөгжлийн банкны Сонгинохайрхан дүүрэгт байрлах Таван шарын салбарт өчигдөр өглөө хэсэг хүмүүс халдсан талаар бид өмнө нь мэдээлж байсан. Тэгвэл өнөөдөр өглөө тэднийг эрэн сурвалжилж байсан бол саяхан баривчилсан байна. Гэмт этгээдүүд 1985, 1992 оын Э болон Б гэх төрсөн ах дүү хоёр байжээ.
Тэднийг Худалдаа хөгжлийн банкнаас 360 сая төгрөг дээрэмдсэн гэсэн мэдээлэл өгч байсан бол мөнгөний хэмжээ 380 сая төгрөг байсан гэж албан ёсоор мэдэгджээ. Тэд Өнөр хорооллын орчмоос баривчлагдахдаа 380 сая төгрөгөө үрээгүй байсан бөгөөд тэдний дээрмийн үеэр ашигласан буу нь олдоогүй байна. Уг хэргийг шалгаж эхлээд байгаа талаар цагдаагийн Ерөнхий Газрын хэвлэл мэдээлэл, олон нийттэй харилцах хэлтсийн дарга Б.Баатархүү мэдээлэл хийлээ.
Д.Оюун
Д.Оюун