Метилийн спирт буюу метанолыг хар ярианд модны, техникийн спирт гэдэг. Урьд нь модыг хуурайгаар нэрэх аргаар гаргаж авдаг байсан болохоор модных гэдэг нэртэй болсон. Харин хэрэглэхдээ лак, будагч зэрэгт уусгагч, бензиний октаны тоо нэмэгч, уксусны хүчил, формалин гаргаж авах зэргээр ашигладаг болохоор техникийн спирт гэдэг болжээ. Ингээд Нийгмийн эрүүл мэндийн хүрээлэн болох Эрүүл мэндийн яамнаас дараах зөвлөмжийг гаргажээ.