Өнөөдөр 16:00 цагт улс орон даяар гамшгийн дуут дохио дуугарна. Засгийн газраас жил бүрийн гуравдугаар сарын гурав дахь долоо хоногт “Газар хөдлөлтийн аюулаас урьдчилан сэргийлэх, таниулах өдөр” болгох шийдвэрийг гаргасан билээ.
Гамшгийн дуут дохио улс орон даяар дуугарах бөгөөд иргэд, аж ахуйн нэгж байгууллагууд харьяа хороо болон аймаг, дүүргүүдийн Онцгой байдлын газар, хэлтсийн заавар, зөвлөмжийн дагуу гамшгаас хамгаалах дадлага, сургуулилтад хамрагдах юм.