Дэлхийн гуравдугаар дайн нүүрлэх аюул тулгарлаа хэмээн дэлхийн хэвлэл мэдээллийнхэн шуугиж байна. Энэ асуудлын талаар хэвлэлийнхэн тус тусын эх сурвалжтайгаар мэдээлсээр байгаа юм. Европын хэвлэлээр Нострадамус, Ванга нарын хэлснээс иш татан дайны асуудлыг хөндөж байхад Америкийн номлогч Эрвин Бакстерын хувьд дайны гал Иракын нутгаас эхэлж, дэлхий нийтийг хамарч, 2,2 тэрбум хүн амь алдана гэж хэлэх болжээ.
Ерөнхийдөө Умард Солонгосын зүгээс баруунд цөмийн цохилт өгнө гэж сүрдүүлж, Сирийн зөрчил улам идэвхжиж олон улс орон холбоотон болж байгаа зэргийг дайны гал ноцох эхний алхам хэмээн тайлбарлацгааж байна.
