Чацарганы баяр найм дахь жилдээ болно
Нийслэл кафе
2017-09-07
НИЙСЛЭЛ.mn
Эрүүл органик бүтээгдэхүүн үйлдвэрлэдэг “ХУБА ХАЯА” үйлдвэрийнхэн жил бүр уламжлал болгон зохион байгуулдаг чацарганы баяраа найм дахь удаагаа зохион байгуулах гэж байна. Баяр энэ сарын 10-ны ням гарагт Төв аймгийн Эрдэнэ сумын нутаг, Чингис хааны морьт хөшөө бүхий цогцолбороос хойш дөрвөн км-т байрлах “Хаан жимс” жуулчны баазад болох бөгөөд баярт оролцсон хүн бүр “ХУБА ХАЯА”-г мөчрөөс нь амтлах боломжтой юм.
Энэ удаагийн чацарганы баярт оролцохоор ирсэн зочид “Хуба хаяа” гэх нэрний утгыг тайлбарлаад, эсвэл хаан жимс гэгддэг чацаргана жимстэй ижил өнгийн хувцас өмсч ирснээрээ дархлаажуулах, тамиржуулах, залуужуулах үйлчилгээтэй эрүүл органик “ХУБА ХАЯА” бүтээгдэхүүнийг бэлгэнд авах боломжтой гэдгээрээ энэ жилийн чацарганы баяр онцлог юм байна. Цэвэр агаарт эрүүл органик бүтээгдэхүүнийг мөчрөөс нь амталж, урлагийн тоглолт, уралдаан тэмцээн зэрэг олон сонирхолтой зүйлийг нэг дор мэдрэх чацарганы баярт та бүхнийг урьж байна.
 
Сэтгэгдэл бичих

500 тэмдэгт

АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
Зочдын сэтгэгдэл (0)