Монгол Улсын 30 дахь Ерөнхий сайдаар У.Хүрэлсүхийг томиллоо. Тэрбээр УИХ-ын чуулганы индэр дээрээс амиа алдахаас айхгүй, ард түмний итгэлийг алдахаас айж байна хэмээн мэдэгдэв. Ж.Мөнхбат тэргүүтэй МАН-ын 20 гаруй гишүүн Ерөнхий сайдыг томилсон чуулганы нэгдсэн хуралдаанд суусангүй. Тэд шинэ Ерөнхий сайдыг танхимынхаа 50 хувийг өг гэж шахалт үзүүлж байгаа гэсэн бор шувуу Төрийн ордонд нисэж явна лээ. Харин Ж.Эрдэнэбатын Засгийн газрыг огцруулсан МАН-ын гишүүд сайдын суудал сэрүүн зүүдлээд завгүй. Хамгийн сүүлийн үеийн мэдээллээр Шадар сайд болж магадгүй гэгдэж байсан Д.Сумъяабазар гишүүн Уул уурхайн сайдад яригдаж эхэллээ. Өөрөө энэ суудлыг сонирхон идэвхийлэн хөөцөлдөж эхэлсэн мэдээлэл байна.
Эх сурвалж: niislel.mn
