Хэдхэн сарын өмнө мисс Баярцэцэг холливүүдийн "Attrition" кинонд дүр бүтээсэн билээ. Харин Стивен Сигал болон түүний эхнэр Б.Эрдэнэтуяа нарт холивүүдийн алдарт зохиолч, найруулагч, продюсер Филипп Мартинез General Commander гэх телевизийн олон ангит кинонд тоглох санал тавьжээ.
Уг саналыг хүлээж авч өчигдөр киноныхоо эхний ангийн зураг авалтанд амжилттай ороцлон аж. Энэ тухайгаа Б.Эрдэнэтуяа өөрийн фэйсбүүк хуудсаараа дамжуулан мэдээлсэн юм. Мөн General Commander кинонд Стивен Сигал АНУ-ын тагнуулын газрын тусгай ажилтан Жейк Александрын дүрд тоглож байгаа бол Б.Эрдэнэтуяа монгол гэргий Туяа гэх эмэгтэйн дүрийг бүтээж байгаа аж. Б.Эрдэнэтуяа ханийнхаа хамт тэр тусмаа гэргийнх нь дүрд тоглоно гэдэг алдаж болшгүй ховор завшаан гэж бодож байна гэж хэлжээ.