Өнгөрсөн долоо хоногт Сэтгүүлч Л.Мөнхбаясгалан оффшор бүсэд данстай эрхмүүдийн талаар нэвтрүүлэг бэлтгэн үзэгч түмэнд хүргэсэн билээ. Түүнтэй холбогдуулан УИХ-ын гишүүн Сү.Батболд шүүхэд хандан, нэр төрөө сэргээлгэхээ мэдэгдээд байгаа юм. Тэрбээр олон түмний дунд шуугиан үүсгэх сэдлээр, илт улс төрийн зорилготой, цензургүй гэх мөртлөө сайтар "найруулж" зохиомжилсон гүтгэлгийн нэвтрүүлэг C1 телевизээр явуулж, миний нэр хүндэд зохион байгуулалттайгаар халдсанд харамсаж байна хэмээсэн билээ. Сү.Батболд гишүүний мэдэгдэл гарсны дараа сэтгүүлч Л.Мөнхбаясгалан твиттер хуудастаа “Сү оффшоргүй гэх баримтаа үүрээд, би оффшортой гэсэн баримтаа үүрээд "Цензургүй яриа"-нд уулзья. Сү-г Цензургүй яриандаа урьж байна” хэмээн жиргэжээ.
