Хошин урлагийн жүжигчин, СТА Л.Сөрөлт арваннэгдүгээр сарын 29-нөөс 30-нд шилжих шөнө “Минт” шөнийн клубт 20 орчим настай Н гэгч бүсгүйг найз эмэгтэйнх нь хамт зодож танхайрсан гэх мэдээлэл тараад байна.
"Тэрээр бүсгүйчүүдийг “Хөөе, дүү нар” хэмээн өдөж хоргоосон бөгөөд “Та бидэнд битгий саад бол” гэж хэлсэнд тэрээр уурлаж, хохирогчдыг элдвээр доромжлон толгойгоор нь юм мөргөлдүүлж, үсдэж зодсон. Хэсэг хугацааны дараа цагдаа ирэхэд тэрээр бүсгүйчүүд рүү дахин дайрсан. Цагдаа түүнийг болиулж, Эрүүлжүүлэх байр руу авч явсан" гэж эх сурвалж мэдээлэв.