Монгол бадарчин буюу Амай бөөрний дутагдалд орж, хүнд өвдөөд байгаа билээ. Түүнд туслахыг хүссэн залуус бичсэн номыг нь худалдан авах ажлыг өрнүүлээд байсан юм.
Харин БСШУ-ы сайд Ц.Цогзолмаа саяхан аялагч Амай буюу Ж.Золжаргалын бичсэн номуудыг “хэнд ч хэрэггүй” гэсэн мэдэгдлийг телевизээр хийсэн гэдгийг аялагч маань хувийнхаа цахим хуудсаар мэдэгдэж, эсэргүүцлээ илэрхийллээ. Амай БСШУ-ы сайдад хандаж “Миний номыг сөхөж хараагүй байж энэ олон эрдэмтэн, хүний хөдөлмөр, мянга мянга уншигчийг ийн дайрч болохгүй. Тиймээс би өнөөдрөөс аппаратаа салгана. Ц.Цогзолмаа сайд надаас албан ёсоор уучлал гуйх ёстой” хэмээжээ.
Амай номоо бүтээхдээ зөвхөн өөрийн сонирхлын дагуу, дэлхийн сонин хачнаас сорчлон дэлгээгүй. Тус номын багт салбар салбараас манай нэртэй эрдэмтэд оролцсон нь шинжлэх ухаанчаар хандсаныг хэлнэ. Учир нь тус ном нь манай нийгмийн байдалд томоохон өөрчлөлт хийхэд ихээхэн ашиг тустай зүйл гэдгийг эрдэмтдийн баг ч хэлсэн, олон мянган уншигч ч хүлээн зөвшөөрсөн. Тэр тусмаа аялал жуулчлалын салбарт том шинэчлэл хийхэд Амайгийн бичсэн номууд маш том түшиц болно гэдгийг мэргэжилтнүүд нэгэнтээ дүгнэсэн байна.
Ц.Аюу