Шинэ мэдээ
Их уншсан
Уншиж байна ..
Өдрийн төрх

Е баримтын олон аккаунттай хэрэглэгчийн НӨАТ-ын буцаан олголтыг шилжүүлэх боломжгүй

2018/01/09
НИЙСЛЭЛ.mn
Худалдан авалтын баримтаа бүртгүүлээд НӨАТ-ын 20 хүртэлх хувийн буцаан олголт, сугалааны урамшууллыг авах боломжтой болсон. Иргэд гар утас болон компюьтерээс баримтуудаа бүртгүүлсээр байгаа. Харин ингэж бүртгүүлэхэд тулгарч буй нийтлэг асуудлуудыг хэрхэн шийдвэрлэхийг хүргэж байна. Мөн хоёр болон түүнээс дээш аккаунттай хэрэглэгчийн НӨАТ-ын буцаан авалтыг шилжүүлэх боломжгүй учир давхар бүртгүүлсэн олон аккаунттай хэрэглэгчид бүртгэлээ нэгтгэх хэрэгтэйг албаны хүмүүс хэллээ. Бүртгэл нэгтгэх заавар видеог хүргэж байна.
 
1. Хэрвээ хэрэглэгчийн код, нууц үгээ мартсан 131313 дугаар руу асуултын тэмдэг бичиж явуулна. Анхаар: Анх ебаримт нээж байхдаа бичсэн утасны дугаараасаа явуулаарай. Ингэснээр таны утсанд хэрэглэгчийн код, нууц үг мессежээр ирнэ. өгнө.
 
2. Хэрвээ данс тохиргоонд бичсэн утасны дугаараа хэрэглэх боломжгүй бол Татварын ерөнхий газарт хүсэлт гаргаж, хуучин хаягаа авах боломжтой.
 
3. Үнийн дүн зөрүүтэй гэсэн баримтыг засахын тулд тухайн баримтан дээрх ДДТД дугаар буюу 00000-ээр эхэлсэн тоог бичиж засна.
 
4. ААН илгээгээгүй гэсэн баримтыг устгаад дахин оруулна.
 
5. Хэрвээ бутархай дүнтэй баримт бүртгүүлэх гэж байгаа бол QR кодыг уншуулаарай.
 
6. Баримт бүртгүүлэхэд амжилттай бүртгэгдлээ гэсэн бичиг гарч ирсэн ч баримтууд дунд харагдахгүй байвал гараад, маргааш нь юм уу нөгөөдөр нь дахин ebarimt руугаа ороорой. Тэр үед бүртгүүлсэн ч харагдахгүй байсан баримт гарч ирэх болно.
 
7. Хувийн мэдээлэл хэсэгт бүртгүүлсэн таны данс хамтран эзэмшигчтэй байж болохгүйг анхаар. Хэрвээ бүртгүүлсэн данс хамтран эзэмшигчтэй бол мөнгө орохгүй болохыг анхаарна уу.
 
8. Хоёр аккаунттай бол ebarimt.mn сайт руу орж зааврын дагуу аккаунтуудаа нэгтгэнэ. Нэгтгэх заавар
 
 
9. Хэрвээ сугалаагаар хонжвор таарсан бол хувийн мэдээлэл тань баталгаажсан бол 20 хоногт ордог. Баталгаажсан эсэхийг заавал нягтална уу.
 
10. Хэрвээ гар утаснаасаа Ебаримт руугаа орж байгаа бол 2018 он гарч ирэхгүй бол app store руугаа орж update хийнэ. Хэрвээ андройд утастай бол Play store руугаа орж update хийнэ.
 
11. Update хийсний дараа зарим хэрэглэгчийн код, нууц үг буруу байна гэсэн алдаа зааж нэвтрэх боломжгүй болж байгаа. Энэ үед нууц үгээ солиод дахин орно уу.
 
12. Ебаримтаа update хийгээгүй тохиолдолд 2018 онд бүртгүүлсэн баримтууд 2016 он гэсэн хэсэгт бүртгэгдэнэ. Харин update хийсний дараа 2018 он гэсэн хэсэгт автоматаар орох болно.
 
13. Баримт өгөхгүй байгаа ААН-ийг Татварын Ерөнхий газрын 18001288 болон 7577750 дугаарт залгаж “ховлож” болно. Мөн дэлгэрэнгүй мэдээллийг тус утасны оператораас лавлах боломжтой.
 
14. Хэрвээ дээр дурьдсан алдаануудаас өөр алдаа зааж байгаа бол Татварын ерөнхий газарт өөрийн биеэр иргэний үнэмлэхийн хамт очиж асуудлаа шийдвэрлүүлээрэй.
Ц.Аюу
СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (1)
Зочин [43.242.243.202] 2018/01/09
Buun lyivarchid.. ingej l ard tumniig moljdug.. myysain lyivarchid..