Ховд аймгийн Булган сумын Баянгол багийн “Хагшаал” гэдэг газар, сумын төвөөс хойд зүгт 17 км-т тус сумын харьяат малчин Б-гийн долоон настай хүү энэ сарын 14-ний өдрийн 13:00 цагт “Булган” голын мөсөн дээр тоглож байгаад харзны усанд унаж, осолджээ.
Онцгой байдлын аврагчид тус өдрөөс эхлэн эрэн хайх ажиллагааг ’’Булган’’ гол дагуу зохион байгуулж байгаа ч одоог хүртэл хүүг олоогүй байна. Тиймээс өнөөдөр эрэн хайх ажиллагааг дахин үргэлжлүүлэхээр болжээ.
Түүнчлэн энэ сарын 10-ны өдөр Баян-Өлгий аймгийн Бугат сумын Буга багийн “Их хөндий” гэдэг газар тус сумын харьяат, сэтгэцийн эмгэгтэй 23 настай иргэн О Өлгий сумын төвөөс Бугат сумын төвд гэртээ харих гэж яваад сураггүй болжээ. Харин алга болсноос тав хоногийн сумын төвөөс зүүн зүгт 12 км-ээс цогцсыг олж, Цагдаагийн байгууллагад хүлээлгэн өгсөн байна.
Ц.Аюу
