Нийгмийн эрүүл мэндийн хүрээлэнгийн Хоол судлалын төвөөс Монгол хүнд тохирсон өглөөний цайны жорыг санал болгож байгаа билээ. Өглөөний цайны жор №4-ийг танд хүргэж байна. Тус цэс нь хөөрүүлсэн сүү, зөөхий хар талх зэргээс бүрдэнэ.
Сүү, сүүн бүтээгдэхүүн нь бие махбодын өсөлт хөгжилтөд зайлшгүй шаардлагатай үл орлогдох амин болон тосны хүчил, аминдэм А, Д, В12, рибофлавин, кальци, фосфор, кали, магни, цайр зэрэг чухал шимт бодисуудын эх үүсвэр болдог.Зөөхийг өглөө идэхэд маш тохиромжтой бөгөөд хүний хоол боловсруулах системд хялбархан боловсрогдох, хоолны дуршлыг нэмэгдүүлэх, сэтгэл санааг өөдрөг болгох ач тустай.
Түүнчлэн өглөө бүр цайгаа ууж хэвших нь таргалалтаас сэргийлэх ач холбогдолтой.
