ХӨСҮТ-ийн барилга засвар үйлчилгээ хийгээгүй удсанаас эмнэлгийн дотоод орчин хүн ажиллах, өвчтөн эмчлүүлэхэд маш хүндрэлтэй байгааг цахим орчинд дэлгэж байгаа юм. УИХ дахь МАН-ын бүлгийн мэдээллийн үеэр ХӨСҮТ-ийг орчин нөхцөлийг сайжруулах чиглэлд анхаарал хандуулж, арга хэмжээ авахыг Сангийн сайд Б.Жавхланд сэтгүүлч сануулаад, ирэх оны төсөвт энэ эмнэлэгт ямар хөрөнгө оруулалт тусгасныг тодруулав.
Сайд Б.Жавхлан, ХӨСҮТ үнэхээр сэтгэл эмзэглүүлмээр юм билээ. Би өөрөө ковид тусаад тэнд хэвтэхдээ мэдсэн.
Ирэх онд ХӨСҮТ, ХСҮТ-д онцгой анхаарал хандуулна. ХӨСҮТ-д гэхэд 100 гаруй сая долларын хөрөнгө оруулалт шаардагдахаар байгаа учир ирэх оны төсөвт тусгавал том дарамт болно. Тиймээс энэ асуудлыг гадны донор байгууллагуудын зээл тусламжаар нэг мөр дорвитой шийдэхээр ярилцаж, судалж байгаа. Улсын төсөвт суулгаад дийлэхгүй гэлээ.
