Нийслэлийн замын сангийн хөрөнгө оруулалтаар “Өгөөж чихэр боов” ХХК-ийн баруун урд уулзварын өргөтгөл, шинэчлэлтийн ажлыг эхлүүлээд байна. Тухайн хэсгийн замын трасст нийт зургаан нэгж талбар өртсөнийг Нийслэлийн газрын алба 100 хувь чөлөөлж дуусгасан байна. Тиймээс зам засварын ажилтай холбоотойгоор Өгөөжийн уулзвараас хойш Баруун 4 замын уулзвар хүртэл зам хаахаар болсон байна. Тодруулбал, өнөөдөр 22.00 цагаас эхлэн долдугаар сарын 22-ны өдрийн 10.00 цаг хүртэл тээврийн хэрэгслийн хөдөлгөөнийг хязгаарлана.
