ТЕГ -ын дарга асан Б.Хурц сүүлийн үед хэвлэл мэдээллийн хэрэгслүүд болон олон нийтийн дунд ярих гол сэдэв болоод байсан билээ. УИХ-ын Аюулгүй байдал, гадаад бодлогын байнгын хорооны хуралдаанаар БНСУ-д суух Онц бөгөөд Бүрэн эрхт Элчин сайдаар түүнийг томилох асуудлыг хэлэлцэж байх үед түүний хэлсэн үгнээс болж УИХ-ын гишүүн Лу.Болд, Ж.Батзандан нар түүнтэй маргалдаж хууль хяналтын байгууллагаар биесээ шалгуулахдаа хүрээд байгаа юм.
Тэрээр өнөөдөр C1 телевизийн Цензургүй яриа нэвтрүүлэгт орсон бөгөөд энэ үеэр Ж.Батзанданг ална гэж та хэлсэн үү? гэх сэтгүүлчийн асуултанд тэрээр: "Хэлсэн. Би өөрөө чамайг ална шүү гэж хэлсэн. Ж.Батзандан өөрөө түрүүлж намайг ална гээд цохьсон шүүдээ. Тэгээд л би чамайг ална шүү гэсэн" гэж хээв нэг хариуллаа. Мөн ярилцлагын явцад тэрээр Лу.Болд Д.Эрдэнэбатын өрөөнд уулзахдаа "Би яахавдээ тэр 2 хүнд мөнгө авч өгөх гэсэн юм аа" гэхээр нь би "Чамаас болж 2 хүн тэнд цаазлуулсан шдээ" гэтэл "Яахав дээ хойд Солонгост өдөр болгон л хүн цаазлуулдаг шд ээ хэхэ" гэж байгаа юм хэмээн ярилаа.
