Өнөөдөр Монголын төмөр замчдын ҮЭХ-ноос татвар, тэтгэвэр нэмж буй асуудлаар мэдээлэл хийлээ.
Монголын Төмөр замчдын ҮЭХ-ны дарга Б.Баяраа: Сая таван зуугаас дээш цалинтай дөрвөн мянга гаруй ажилтаныг төлөөлж хэвлэлийн бага хурал хийж байна. "Өнөөдрийн бидний хэвлэлийн бага хурал зарласан шалтгаан бол цаг үеийн асуудал болсон татвар, тэтгэврийн насыг нэмсэн асуудлаар ярих гэж байна. Энэ асуудал зөвхөн өнөөдөр ч эхэлсэн юм биш. Их эртнээс яригдсан шат шатандаа дэвшигдсэн зүйлийг л ярьж байгаа. Бид төр засгаа хүлээцтэй хүлээсэн. Хамгийн сүүлийн жишээ гэхэд арванхоёрдугаар сард Монголын үйлдвэрчний эвлэлийн холбооны төлөөлөл, Нийгмийн хамгааллын байнгын хорооны даргатай, Ерөнхий сайдтай энэ асуудлаар уулзаж ярилцсан бичиг баримтаа өгсөн.
- Хэдээс хэдэн төгрөгийн цалинтай хүмүүс хамрагдаж байна вэ?
- Дөрвөн мянга буюу 30 орчим хувь нь хамрагдаж байна.
- Хуулийн шинэчлэлт хийгдсэнээр та бүхний эрх ашиг яаж зөршигдөж байна вэ?
- Зүтгүүрийн бригадууд жилийн 365 хоногийн 200 гаруй өдөрт нь гэртээ байдаггүй. Гал тэрэгний үйлчлэгчид, явуулын засварчид гээд олон төрлийн ажилчид хамрагдана. Төмөр замчдын дийлэнхи нь хэвийн бус хүнд нөхцөлд ажилладаг. Хэвийн бус нөхцөлд ажиллаж байж, гэртээ байхгүй, халуунд халж, хүйтэнд хөрж, өвчин эмгэг тусан байж гэр бүлээ тэжээдэг. Ингэж олсон татвараас нь өндөр хэмжээний орлого авна гэдэг байж болохгүй зүйл юм.
-Тэтгэвэр тогтоолгох нас нь хэд байдаг вэ?
Хэвийн бус нөхцөлд ажилладаг учраас 55 наснаас тэтгэвэр тогтоолгодог. Би энэ жилээс зургаан сар сунгаж байна. Энэ нь хүмүүст хүнд тусна. Сэтгэлзүй, биеэ бэлдсэн хүмүүс хямарч байна.
Ажлын хүнд нөхцөлийг 55 нас хүртэл дааж ажиллана гэдэг амаргүй даваа.
Г.Цэнд-Аюуш
