БНХАУ-ын Харбин хотод жил бүрийн өвөл олон улсын цас, мөсний фестиваль болдог. Маш хүйтэн өвөл болдог учраас мөсөн хот гэж нэрлэгддэг тус хотод энэ сарын 5-нд цас, мөсний фестиваль албан ёсоор нээлтээ хийсэн байна.
Уг фестиваль нь хоёрдугаар сарыг дуустал үргэлжлэх бөгөөд энэ хугацаанд шилдэг мөсөн баримлыг шалгаруулах аж. Сонгхуа голын эрэг дээр сүндэрлэн боссон цас, мөсөн баримал, барилга байгууламжууд маш үзэсгэлэнтэй, сүрлэг байдлаараа сонирхогчдыг татдаг бөгөөд жил бүр 15 сая орчим жуулчин ирж сонирхдог байна.