Шинэ мэдээ
Их уншсан
Уншиж байна ..
Нийгэм

Эмнэлэг, сургууль, цэцэрлэг болон орон сууцны ХАЛААЛТЫГ маргааш өгч эхэлнэ

7 өдөр
НИЙСЛЭЛ.mn

2021-2022 оны төвлөрсөн дулаан хангамжийн халаалтыг есдүгээр сарын 15-ны өдрөөс эхлэн залгахыг "УБДС" ТӨХК-аас мэдэгдлээ.

Төвлөрсөн болон төвлөрсөн бус дулаанаар хангагддаг эмнэлэг, сургууль, цэцэрлэг, орон сууцны халаалт өгч эхлэх хугацааг есдүгээр сарын 15, дуусах хугацааг тавдугаар сарын 15-ны өдрөөр тогтоожээ.

Харин ААН, байгууллагын халаалт эхлэх хугацааг 10 дугаар сарын 1-нээс тавдугаар сарын 1-ний өдрөөр дуусгах юм байна. Тус компаниас дулааны төв шугамд засвар, шинэчлэл хийх ажлуудыг дуусгаж, өвөлжилтийн бэлтгэлийг бүрэн хангажээ.

Тодруулбал орон сууцны халаалтын хуваарийг гарган, ДЦС-уудын үндсэн тоноглолыг ажиллагаанд залгахад бэлэн болсон байна.

Халаалт өгөх гэж буй тул орон сууц нийтийн аж ахуйн удирдах газар, тусгай зөвшөөрөл бүхий компаниуд 2021-2022 оны дулааны гэрээгээ шинэчилсэн, өр төлбөрийн үлдэгдэлгүй байх шаардлагатай аж.

Иргэд, оршин суугчид халаалт өгөх өдрүүдэд дулааны шугамын хаалт, тоолуур болон бусад тоноглолуудыг шалгах, гэртээ хүнтэй байж ус алдах, шугамын гарч болзошгүй гэмтлээс урьдчилан сэргийлэхийг анхаарууллаа.
Дулаан хангамжтай холбоотой мэдээлэл, лавлагааг Шуурхай албаны 70047005 утаснаас лавлахыг зөвлөв.

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)