Шинэ мэдээ
Их уншсан
Уншиж байна ..
Нийгэм

Өнгөрсөн долоо хоногт төв замын нэгдүгээр эгнээгээр зорчсон 12,526 зөрчил бүртгэгджээ

4 өдөр
НИЙСЛЭЛ.mn

Офицеруудын ордноос Таван шарын уулзвар хүртэлх авто замын нэгдүгээр эгнээгээр нийтийн тээврийн хэрэгсэл, тусгай дуут болон гэрэл дохио бүхий шуурхай албаны автомашин, зөвшөөрөлтэй суудлын такси болон “Хүүхэд тээвэрлэж яваа тээврийн хэрэгсэл”, “Тулгуур эрхтний бэрхшээлтэй хүн” таних тэмдэг бүхий тээврийн хэрэгсэл зорчих ёстой.

Бусад тохиолдолд нэгдүгээр эгнээгээр зорчвол зөрчилд тооцож, Зөрчлийн тухай хуулийн дагуу 20,000 төгрөгөөр торгодог. Өнгөрсөн долоо хоногт буюу нэгдүгээр сарын 16-22-нд энэ төрлийн зөрчил 12,526 бүртгэгдсэнийг Замын Хөдөлгөөний Удирдлагын Төвөөс мэдээллээ.

Мөн тус төвөөс өгсөн мэдээллээс харвал

  • хурд хэтрүүлсэн зөрчил 949
  • үзлэг оношилгоонд ороогүй, тэнцээгүй зөрчил 637
  • согтуугаар тээврийн хэрэгсэл жолоодсон 279
  • гэрэл дохио зөрчсөн 160
  • түр болон удаан зогссон 1,253 зөрчил бүртгэгдсэн байна.

Төв замын нэгдүгээр эгнээгээр чиглэлийн болон зөвшөөрөгдсөн тээврийн хэрэгслээс бусдыг нь зорчуулахгүй байхын тулд тээврийн цагдаагийн алба хаагчид өнгөрсөн сарын 5-19-нд хяналтаа эрчимжүүлж байв. Үр дүнд нь нийтийн тээврийн хэрэгслийн дундаж хурд 14.4 километр цаг болж, өмнөх үеэсээ 47.9 хувиар өссөн тухай ТЦА-ны Урьдчилан сэргийлэх хэлтсийн дарга, цагдаагийн дэд хурандаа Б.Очирбат хэллээ.

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)