Шинэ мэдээ
Их уншсан
Уншиж байна ..
Өдрийн төрх

Хөгжлийн бэрхшээлтэй иргэдийн эрүүл мэндэд анхаарна

Хөгжлийн бэрхшээлтэй хүний эрхийн олон улсын өдрийг тохиолдуулан “Тогтвортой хөгжлийн зорилтонд Хөгжлийн бэрхшээлтэй иргэдийг хамруулъя” уриан дор зохион байгуулж буй хэвлэлийн бага хуралд Эрүүл мэндийн дэд Л.Бямбасүрэн оролцож үг хэллээ. Тэрээр хөгжлийн бэрхшээлтэй иргэдэд үзүүлэх эрүүл мэндийн тусламж, үйлчилгээний чанар хүртээмжийг сайжруулах үйл ажиллагааг “ Хөгжлийн бэрхшээлтэй хүмүүсийн эрхийн тухай конвенц, хөгжлийн бэрхшээлтэй хүмүүсийн “Эрхийг бодитой болгое” Инчеоны стратеги, хөгжлийн бэрхшээлтэй хүний эрхийн тухай хуулийн холбогдох заалтуудыг хэрэгжүүлэн ажиллаж байна. Мөн Эмнэлгийн орчныг хөгжлийн бэрхшээлтэй иргэдэд хэрхэн хүртээмжтэй болгох, нөхөн үржихүйн эрүүл мэндийн тусламж, үйлчилгээг хөгжлийн бэрхшээлтэй эмэгтэйчүүдэд хүртээмжтэй хүргэх талаар цахим сургалт зэрэг ажлуудыг хийж байна хэмээн онцоллоо.
 
Дэлхий дээр нэг тэрбум гаруй хүн хөгжлийн бэрхшээлтэй байгаагийн 650 сая хүн нь Азид амьдарч байна. Монгол улсад 2015 оны Үндэсний статистикийн хорооны тоогоор нийт 101.730 гаруй хөгжлийн бэрхшээлтэй иргэд байна. Үүнээс: Төрөлхийн хөгжлийн бэрхшээлтэй иргэд – 34 хувь, Олдмол хөгжлийн бэрхшээлтэй иргэд – 64 хувьийг эзэлж байна. Хөгжлийн бэрхшээлийн хэлбэрийн хувьд авч үзэхэд хамгийн өндөр илүү их тохиолдож буй бэрхшээл нь: Бусад бэрхшээл – 31хувь, Хөдөлгөөний бэрхшээл – 19 хувь, Сэтгэцийн бэрхшээл – 17 хувь байна. Хөгжлийн бэрхшээлийн тохиолдож буй хэлбэрүүд сүүлийн үед их өөрчлөгдөж байна. Энэ нь нийгэм эдийн засгийн өөрчлөлтүүд болон ажил, амьдралын стресс бухимдал, буруу хоололт, хөдөлгөөний дутагдал, буруу зан үйл,  архи, тамхинд донтох зэргээс хамаарч сүүлийн үед зүрх судасны өвчин, сахарын шижин, сэтгэцийн өвчнүүд нэмэгдэж байна. Мөн зам болон тээвэр техникийн хөгжил дэвшил, хөдөлмөр аюулгүйн байдлын үйл ажиллагааны алдагдлаас хамаарч улмаас осол гэмтэл эрс тохиолдож  байгаа нь нөлөөлж байна. Нийт хөдөлгөөний бэрхшээлтэй болсон иргэдийн 70 хувь нь осол гэмтлээс болсон олдмол хөгжлийн бэрхшээлтэй иргэд байна.
СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)