Шинэ мэдээ
Их уншсан
Уншиж байна ..
Өдрийн төрх

Алгын чинээ сумаа камержуулчихсан бол нулимсан далайд живэхгүй байсан

Өөдөсхөн охиноо алдсан аав ээжийн эмтэрсэн элэг, урссан нулимсыг хорвоо дааж ядан байх шиг уйтай дүнсгэр өдрүүд үргэлжилсээр. Найман настай Д.Сэржмядаг охиныг эсэн мэнд олдоосой гэж зөөлөн сэтгэлтэй монголчууд бүгд залбирч сууна. Нэг л мэдэхэд 13 хоног өнгөрчихөж. Эрлийн ажиллагааг зогсоогоогүй байгаа ч ямар нэгэн сураг ажиг, учиг гараагүй л байна.
 
Замын-Үүд дэх сум дундын цагдаагийн хэлстсийн дарга Ц.Сугаржавын мэдээлснээр энэ хэрэг явдалд эрүүгийн хэрэг үүсгэн шалгаж эхэлжээ. Энэ нь зарим хэвлэлд мэдээлсэн шиг аав ээжийг нь шалгаж байцаагаад эхэлсэн гэсэн үг биш. Харин охиныг зохион байгуулалттайгаар хулгайлсан, эсвэл өөр зорилгоор гэмт хэрэг үйлдсэн байж болзошгүй гэсэн үндэслэлээр хэрэг үүсгэсэн гэдгийг тодотгож хэллээ. Хэргийг мөрдөн шалгах ажлын хэсэг Улаанбаатараас хоёр мөрч нохой авчран эрлээ үргэлжлүүлсээр байгаа юм билээ. Охиныг Эрээн хотод хайсан, тэндээс олсон гэх мэт цахим орчинд тэнүүчилж яваа мэдээллүүд бүгд худал бөгөөд хэдэн лайк, шэйрээр голоо зогоодог арчаагүй хүмүүсийн хүнлэг бус тохуу гэдгийг шууд хэлэх ёстой.
 
Сураггүй алга болсон охины сурдаг сургууль гэрээс нь нэлээд зайтай юм. Багцаалж хэлбэл автобусны 2-3 буудлын зайтай. Охин өдөр бүр алхаж ирээд, алхаад харьдаг байж. Сургуулийнх нь багш, найз нөхдийн ярианаас үзэхэд ангийнхаа онц сурдаг 5 хүүхдийн нэг. Охины аавтай цөөн хором хөөрөлдөв. Тэрбээр цахим орчинд амны зоргоор бурж байгаа буцах хаяггүй хүмүүс, андуу ташаа мэдээлэл түгээж байгаа буцах хаягтай хэвлэлийнхэнд гомдолтой байгаагаа нуусангүй. Охиноо эсэн мэнд олно гэсэн итгэл найдвараа алдчихгүй юмсан гэж голынхоо тэвчээрийг шавхаж байгаа нь гал нь унтарсан нүд, гэрэл нь бүдгэрсэн царайнаас нь илт. Гэхдээ хорвоо дандаа муу хүмүүсээр дүүрчихээгүй болохоор сайхан сэтгэлтэй олон хүн тусалж, сэтгэлийн дэм өгч байгаа болохоор найдвар тасарчихгүй л байна гэв. Лам, бөө, удган гээд олон ч хүн холбогджээ. Санаа чилээж суугаа олон хүн бүгд өдөр бүр сүү өргөж байгаа шүү хэмээн хэлсэн нь аав ээж хоёрынх нь элгийг бага ч гэсэн дэвтээж байгаа бололтой. Нутгаас нь сонгогдсон Б.Дэлгэрсайхан гишүүн 50, сумын нутгийн зөвлөл нь 5 сая төгрөгийг баттай мэдээлэл өгсөн хүнд урамшуулал болгож өгөхөө амласан болохоор тэд утасныхаа дуудлага бүрийг алдахгүй авахыг чармайх аж. Нэгэнт хэрэг үүсгэн шалгаж эхэлсэн учраас мөрдөн шалгах ажлыг мэргэжлийн хүмүүст нь даатган орхихоос өөр сонголт үлдсэнгүй.
 
Эрлийн эхэн болон дунд үед Замын-Үүд сумыг бүрэн самнаж дуусгажээ. Барилга байгууламж болгоныг шалгаж нягталсан байна. Замын-Үүд сумын Засаг дарга Н.Алдарбаяр алга болсон охиныг олохын төлөө төрийн холбогдох байгууллагууд бүх арга хэмжээг авч байгааг хэлсэн. Юутай ч эрэл үргэлжилж байна. Гэхдээ энэ бүхнийг нүдээр очиж үзсэний дараа сэтгэлийн мухарт нэг том харуусал сэтгэл гогодоод болдоггүй.
Замын-Үүд бол өмнөд хөрштэй хиллэдэг хилийн, худалдааны хамгийн том боомт. Түм түжигнэж бум бужигнадаг суурин. Олон ч хүн эндээс амьдралаа залгуулж, зарим нь тэрбумтан болтлоо чинээлэг амьдралд хүрсэн. Энэ суманд ирээгүй дарга байхгүй.
Элсэндээ залгиулсан энэ сумыг хөгжүүлнэ ээ л гэцгээдэг боловч байдал яг хэвээрээ. Цаахна нь талд нь байгаа Эрээн хот шавар тагзнуудаасаа аль хэзээний салж, шил толь болсон хотыг сүндэрлүүлчихлээ. Замын-Үүд л хуучирч муудсан хэдэн навсгар УАЗ-469-тэйгөө халтартаад яг л байрандаа байх.
 
Замын-Үүдийг алгын чинээхэн гэж доромж утгаар хэлсэнгүй. Хааш хаашаагаа 5-6 км радиустай жижигхэн суманд хүүхэд алга болчихоод 13 хононо гэдэгт л харамсаад баршгүй. Хэрэв энэ сумыг удирдаж байсан, энэ нутгаас үе улиран сонгогдсон гишүүд сэтгэлтэйсэн бол аль эрт бүрэн камержуулчих байсан. Гэтэл сумын Засаг дарга Н.Алдарбаярын хэлж байгаагаар сумын хэмжээнд нийт 10 гаруйхан камертай гэнэ.
Элдэв янзын хүний хөл тасардаггүй энэ боомт хотод 10-хан камер байна гэдэг гэмт хэрэгтнүүдийг дураараа сэлгүүцэх хязгааргүй эрх чөлөө өгснөөс өөрцгүй.
Жишээ татаж харьцуулъя. Өвөр монголын Хөх хот 10 гаруй сая хүн амтай. Тэд сүүлийн хэдэн жил 14 мянган ширхэг камерийг хотдоо суурилуулж чаджээ. Ингэснээр булаалт болон дээрмийн хэрэг нэг ч гараагүй гэдгийг хотынх нь удирдлагууд хэлж байв. Гэтэл Монголын ихэнх мөнгө, бараа эргэлддэг Замын-Үүд сум 10-хан камертай, тэр нь тэгээд чанарын шаардлага огт хангадаггүй байх жишээтэй. 
 
Хэрэв камер хангалттай байсан бол сураггүй болсон наймхан настай охиныг дор нь олох байсан. Уг нь энэ сумыг бүрэн камерийн хяналтад авахад 600 сая төгрөг шаардлагатай гэсэн судалгааг холбогдох албаныхан гаргажээ.
Ямаанд урамшуулал өгдөг, 14 тэрбумаар казино тоглочихдог, 55 тэрбум төгрөгийг бэлнээр тараадаг, оффшор бүсэд хэдэн тэрбумаар бултуулдаг манай дарга нарт 600 сая гэдэг цайны шахуу задгай мөнгө л дөө. Монгол төрийн ийм арчаагүй байдлаас болоод гэмт хэрэгтнүүдийн гишгэх газар хаа сайгүй байна.
Замын-Үүд сум жил бүр 3 тэрбум төгрөгийн орлого бүрдүүлдэг хэрнээ бүгдийг нь аймагтаа тушаачихна. Засаг захиргааны нэгжийн хувьд сумын статустай учраас олсон хэдээ хадган дээр тавиад аймагтаа өгчихнө. Энэ сумыг хотын статустай байх ёстой гэж бараг бүх дарга хэлсэн, шоудсан. Харамсалтай нь өөрийгөө бүрэн камержуулчих чадалгүй, мэдэлгүй элсэн дундах сум хэвээрээ л байна. Алгын чинээхэн сумаа аль эрт бүрэн камержуулчихсан бол алга болсон охиныг дор нь олж, гэм буруутай хүмүүсээс ял асуугаад сууж байх боломж байсан. Сураг нь гарахгүй байгаа охины аав ээж ингэж амьдын тамд тарчлахгүй, сэтгэл түгшсэн олон хүний нулимс далай болохгүй байсан...
 
Б.ТҮВШИНТӨГС
 
 
СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (21)
Зочин [202.179.27.134] 2018/02/04
Эрүүл саруул хурдан олоорой
Зочин [27.123.212.136] 2017/12/04
MOHGOLIIN ТӨРД БӨӨН ЛУИВАРЧИД
Daanch haramsmaar hariutslaga sul bsan n hulgaich tsagaandaa garsan luiwarchidiig uuhxshuuleh zewseg n bolloo чин [27.123.214.90] 2017/11/19
Daanch haramsmaar hariutslaga sul bsan n hulgaich tsagaandaa garsan luiwarchidiig uuhxshuuleh zewseg n bolloo чин [27.123.214.90] 2017/11/19
Зочин [103.57.93.103] 2017/11/18
Яг үнэн ш дээ бүрэн камержуулчихсан бсан бол юу гэж ийм болохов энэ дарга нэртэй юмнууд яасан идэж ханадаггүй юм бэ Замын-үүд Эрээн 2ын хөгжлийг харьцуулж харахад өөрийн эрхгүй харамсах атаархах сэтгэл төрдөг шүү
Зочин [94.112.172.62] 2017/11/17
omhii hujaa nar hulgailtsiin bish biz.setgel tugshij amirah boldee.hetsuu ym be yasan.
Зочин [103.212.118.116] 2017/11/16
har gyalgar uutand hiisen yumiig gaaliin rentgen tuyagaar medeh bolomjguig ashiglaj gargavuu sain shalga
Зочин [182.160.1.126] 2017/11/16
яана да хил давуулаад аваад явчихсан нь гарцаагүй боллоо шүү
Зочин [66.181.161.112] 2017/11/16
Iviidee nyalh amitan yaj zovj bgaa bolo aij bna ur huuhdee yaj hamgaalnaa bid
Зочин [66.181.161.100] 2017/11/16
Alga bolson odros ehsvled 50 say togrog amlaadch yadaj neg gerch sejvvr oldohgvi bgad gaihjina .tsaana ni nileen tom bvleglel baih bii geh hardlaga torjinaa shalgah heregtei zaawal bvgdig vnen muruur ni shalga ohini talaar sejig taawar garahgvil bol tsaana ni tom.bvleglel bna magdchgvi erh medeltvdig hardah setgel torjino .uchir ni uls turiih bish jaahan hendch gemgvi ohin alga bolson uchiraas sejvvr oldhol estoi
Зочин [66.181.161.100] 2017/11/16
Zamin vvder yawj bhda bodson bodlin min neg heseg hyatadtai horsh zeregle 2 km hvrehgvi gazar shde ereen hotoos bol estoi yul bol yugch awaad ter suma tohijulhad zasag darga bol er ni l bagahan hurungu zartsulad zam hargui gerel gegee hasha horogo yanzlad shan hot svnderlvvlchihmer l yum shig sanagdaad zasag darga ni yuch hiideggvi hiih sertgelchgvi hvn yum bna 2 km hvrehgvil gazart bvh yum ni bna shde solih heregtei geh bodol turj baisan solih heregtei
Зочин [122.43.172.167] 2017/11/16
50-н сая хүн амтай Солонгосын цагдаа нар манайх хэрэг илрүүлэхдээ араас нь мөшгөж мөрдөж биш камераар л ирүүлнэ гэдэг юм билээ. Үнэхээр ч камерын тусламжаар хэргийг хурдан шуурхай илрүүлдэг дээ
Зочин [103.229.122.152] 2017/11/16
haramsaltai l baina
Зочин [27.123.214.90] 2017/11/15
Uneheer l setgel gogodoj hamriin samsaa sharhirch suugaa minga mingan humuus bga tednii mini zalbiral huch muhus bus gedegt itgeltei baina. Odoo iim ulig domog bson suudliin ardah mahan bodiudiig tejeehee bolimoor tsag hediin bson shuu de. Uneheer haramsmaar 10han kamer terniih ni 3ni ajilsan ch dursiin shaardlaga hangahgui uneheer gutmaar guydmaar.
Зочин [103.229.120.30] 2017/11/15
Surguuliin tsagdaa ajulluuldaggui bsan yumuu xaa saigui kamer gj beleg temdeg zugeer l
Зочин [202.21.117.92] 2017/11/15
orj garch bgaa uchnuun hunees mungu avdag bizdee edniih barag alhaad l tatvar yum bilee getel zeregldee bgaa ornoo neg harchaarai zamiin uudin darga naraa
Зочин [202.70.37.134] 2017/11/15
estoi archaagui ymaa denduu neeree onoodor kamertai baisan bol hurdan olon deer ni iim hereg garahguich baih baisan ym hunnu baidaltai heden ymnuud baidag bolohoor deerelhej baigaan
Зочин [27.123.214.88] 2017/11/15
Heleed yuhve
Зочин [59.28.21.134] 2017/11/15
Ёстой үнэн. 5хан км~ийн цаана байгаа Эрээн хотыг хар. Өдөр шөнө шиг ялгаатай. Ийм жижигхэн газрыг камержуулхад сэтгэл л дутсан байх. Яана даа.
Зочин [66.181.187.183] 2017/11/20
Тэнд чинь захиргаадалт хатуу чанга гаp дарга цагдаа нь хатуу үг хэлж хатуу чанга ажилладаг Манай Монголд жаахан чанга үг хэлвэл эсэргүүцээд тэр дарга цагдааг амьдаар нь алаад ажилаас нь зайлуулна бид чи би бүгд иймээс Монгол минь ийм байна даа!
Зочин [202.9.40.40] 2017/11/16
Huniihee tuluu gesen setgel buteen baiguulalt uneheer dutagdaj bn da.яана даа