Шинэ мэдээ
Их уншсан
Уншиж байна ..
Нийгэм

Сөүл-Улаанбаатарын чиглэлд нислэг үйлдэхээр дөрвөн компани өрсөлдөж байна

2019/02/18
НИЙСЛЭЛ.mn

Солонгосын агаарын тээврийн хоёрдогч компани ирэх 3-р сарын  сүүлчээс эхлэн Сөүл-Улаанбаатарын чиглэлд нислэг үйлдэхээр болсон тухай бид өмнө нь  мэдээлж байсан.  Тэгвэл БНСУ-ын талаас энэ сардаа багтаан тусгай зөвшөөрлийг олгоно гэдгээ саяхан мэдээллээ. Сөүл-Улаанбаатарын чиглэлд нислэг үйлдэхээр Asiana Airlines, Jeju Air, T'way Air болон  Eastar Jet гэсэн компаниуд өрсөлдөж байгаа юм байна.

Энэ талаар Солонгосын  Газар нутаг, зам тээврийн яамнаас Агаарын тээврийн хоёрдогч компани нислэг үйлдэх зөвшөөрөл олгоно гэдэг нь  "Korean air" компанийг боомилж буй хэрэг биш. Харин энэ чиглэлд бусад компаниудад  эрх  олгосноор "Korean air" үйл ажиллагаагаа сайжруулах, нислэгийн тийзийн үнэ уян хатан болох боломж юм гэж мэдээлжээ.

 

www.koreatimes.co.kr сайтад дурдсанаар Инчеон-Улаанбаатарын чиглэлд өнгөрсөн жил гэхэд 330 мянган  зорчигч нислэг үйлдсэн бөгөөд  жил бүр  зорчигчдын тоо  11  хувиар өсч байгаа ажээ.  Улаанбаатар нь жуулчдын анхааралд илүү багтах болсон хот учраас нислэг үйлдэх тусгай эрхийн төлөөх  өрсөлдөөн нэлээн ширүүн болж байгааг тус сайтад онцолсон байв. БНСУ-даа хоёрт эрэмбэлэгддэг "Asiana Airlines" компани гэхэд зорчигчдын урсгал нэмэгдэж байгаа энэ чиглэлд томоохон авиа компаниуд нислэг үйлдэх нь илүү тохиромжтой. Энэ чиглэлд бүх талаар хамгийн тохиромжтой нь манайх гэсэн мессежийг түгээж байгаа юм байна. Тодруулбал, 290 суудалтай A330 онгоц нь  энэ чиглэлийн нислэгт илүү тохирно. Бусад өрсөлдөгч компаниудын онгоцууд 189 суудалтай тул нислэгийн явцад 270 орчим суудлын нислэгийг авч чадалгүй алдана гэж Asiana Airlines өөрсдийн давуу талаа онцолж байгаа юм байна. Бусад өрсөлдөгч гурван компанийн хувьд Asiana Airlines-тай харьцуулахад нислэг нь харьцангуй хямд үнэтэй гэдгээрээ давуу байгаа ажээ.

Тусгай зөвшөөрлийг олгох баг 10 гишүүнтэй бөгөөд гадны нөлөөлөл, дарамтанд автуулахгүйн тулд бүрэлдэхүүнийг нууцалж байгаа гэнэ. Солонгосын  Газар нутаг, зам тээврийн яамнаас өрсөлдөгч нарыг бүхий л талаас нь сайтар  нягталж, хамгийн өндөр оноотойг нь шалгаруулна гэдгээ мэдэгдсэн байна.

Ямартай ч 30 жил нэг компани монополь байсан Сөүл-Улаанбаатарын чиглэлийн нислэгт удахгүй шинэ авиа компани нислэг үйлдэж эхэлснээр ижил замын нислэгүүдээс бараг 3  дахин өндөр үнээр үйлддэг байсан үе ард хоцрох бололтой. 

www.niisleltimes.mn

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд НИЙСЛЭЛ.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)