2022 оны улсын төсвийн хөрөнгө оруулалтын 83% буюу ₮1.7 их наяд нь дэд бүтэц, бүтээн байгуулалт, барилга байгууламжийн санхүүжилт байна

Ирэх онд улсын төсвийн хөрөнгө оруулалт нийт 2,440.6 тэрбум төгрөг гэдгийг Сангийн яамнаас мэдээлсэн. 

Нийт хөрөнгө оруулалтын 83% нь буюу 1.7 их наяд төгрөг нь дэд бүтэц, бүтээн байгуулалт, барилга байгууламжийн санхүүжилт аж. 

Ингэхдээ 1,334 төсөлд хөгжлийг дэмжих төсвийн хөрөнгө оруулалт хийнэ. Тодруулбал, 

• 27 авто зам 196.7 тэрбум төгрөг
• 35 инженерийн дэд бүтэц - 104.3 тэрбум төгрөг
• 22 эрчим хүч – 49 тэрбум төгрөг
• 30 сургууль 48.4 тэрбум төгрөг
• 50 цэцэрлэг – 51.3 тэрбум төгрөг
• 28 эмнэлэг 41.7 тэрбум төгрөг 

 

Сангийн яам

Онцлох төслүүдийг харвал төвлөрлийг сааруулах бодлогын хүрээнд, 

1. Аймгуудын шинэ суурьшлын бүсэд баригдах орон сууцны хорооллын шугам сүлжээ, дэд бүтэц төсөл – 100 тэрбум төгрөг
2. Сумын хөгжил, инженерийн дэд бүтцийн хангамж төсөл – 45.9 тэрбум төгрөг;
3. “Залуус-1” орон сууцны хороолол төслийн гадна инженерийн шугам сүлжээ төсөл – 29.9 тэрбум төгрөг
4. Сум, суурин газрын цахилгаан хангамж, шугам сүлжээ, дэд бүтэц төсөл – 12 тэрбум төгрөгийн хөрөнгө оруулалт ногджээ.