Польш улсын Засгийн газрын тэтгэлгээр 2022-2023 онд магистрын хөтөлбөрт суралцуулах сонгон шалгаруулалт зарлагджээ. Уг хөтөлбөрт хамрагдах хүсэлтэй иргэдийг өнөөдрөөс бүртгэж эхлээд байна. Бүртгэл дөрөвдүгээр сарын 8-ны өдрийн 12:00 цаг хүртэл цахимаар явагдана. Тэтгэлэгт энд дарж хэрэглэгчийн эрх үүсгэн нэвтэрч өргөдлийг бөглөж илгээх юм.
Тавигдах шаардлага
Магистрын хөтөлбөрт суралцах хүсэлт гаргагч нь бакалаврын зэрэгтэй Монгол Улсын иргэн голч дүн 3.2 ба түүнээс дээш, 2-оос доошгүй жил ажилласан ажлын туршлагатай, 35 хүртэлх настай байх
Өмнө нь Засгийн газрын тэтгэлэгт хамрагдаагүй байх
Суралцах мэргэжлийн чиглэл:
Уран сайхны гэрэлтүүлэг
Дуу, чимээний технологи
Хөгжмийн театрын найруулга
Театрчилсан тоглолт, баяр наадмын найруулга (021506
Биологи
Хүрээлэн буй орчин судлал
Утасгүй холбоо
Өгөгдлийн ухаан
Системийн аюулгүй байдал
Хиймэл оюун ухаан
Химийн инженерчлэл ба боловсруулалт
Сэргээгдэх эрчим хүч
Байгаль орчныг хамгаалах технологи
Электроник
Механик инженер
Нэхмэлийн үйлдвэрлэлийн технологи
Хүнсний инженерчлэл
Шим тэжээл судлал
Газрын тосны инженер
Уул уурхайн ашиглалтын технологи
Барилгын материалын үйлдвэрлэлийн технологи
Хаягдал боловсруулах технологи
Биотехнологи
Био-инженерчлэл
Нано шинжлэх ухаан, нано инженерчлэл чиглэлээр таван оюутан тус тус суралцуулна.
Бүртгэл
-
Өргөдөлд дурдсан дараах баримт бичиг тус бүрийг PDF /1 файлын хэмжээ 5Mb-аас ихгүй байх/ хэлбэрээр “баримт бичиг” хэсэгт хавсаргана.
-
Цахим бүртгэлийн системд байршуулах баримт бичиг
-
Цахим өргөдөл
-
Иргэний үнэмлэхийн хуулбар
-
Тодорхойлох захидал /Багш-1, Ажлын газар-1/
-
Дээд боловсролын зэргийн дипломууд, тэдгээрийн дүнгийн жагсаалт (Боловсролын баримт бичиг монгол хэл дээр биш бол монгол хэл дээрх албан ёсны орчуулгыг хавсаргах)
-
Мэргэжлээ судалсан байдал, суралцах төлөвлөгөөг илэрхийлсэн эссэ /Монгол хэл дээр 600 үгээс доошгүй байх/
-
Бүгд Найрамдах Польш Улсад Засгийн газрын тэтгэлгээр суралцах хүсэлтэй байгааг илэрхийлсэн эссэ /Монгол хэл дээр 600 үгээс доошгүй байх/
-
Эрдэм шинжилгээний бүтээлийн жагсаалт
Жич: Онлайн бүртгэлийн хугацаа дуусахаас өмнө бүртгүүлсэн баримт бичгийг ИЛГЭЭХ товчин дээр дарж баталгаажуулахыг анхаарна уу.
-
Бүртгэл дуусах цаг дөхөх тусам системийн ачаалал ихэсдэг тул эрт бүртгүүлэхийг зөвлөж байна. Бүртгэлийн системтэй холбоотой асуултыг ажлын өдөр 09:00-12:00 цагт Боловсролын мэдээллийн технологийн төвийн 7577-8080 дугаараас, тэтгэлэгтэй холбоотой асуултыг БШУЯ-ны Гадаад харилцаа, хамтын ажиллагааны газрын 51-263181 дугаараас тус тус лавлах боломжтой. Бүртгэлээс хоцорсон иргэдийг нэмж бүртгэхгүй. Цахим бүртгэлийн системд үнэн, зөв баримт бичгийг байршуулах шаардлагатай. Баримт бичгийг хуурамчаар үйлдсэн тохиолдолд тэтгэлгийн эрхийг хасна.
Сонгон шалгаруулалт:
-
Сонгон шалгаруулалт хоёр үе шаттай байна
-
Баримт бичгийн бүрдүүлэлт. Тэтгэлэгт хөтөлбөр горилогчийн ирүүлсэн бичиг баримтын бүрдэл, эссэний агуулга, ач холбогдол, өөрийгөө илэрхийлсэн байдал зэрэгт үнэлгээ өгнө
-
Ярилцлага. Ярилцлагын цагийн хуваарь, оролцох иргэдийн нэрсийн жагсаалтыг Боловсрол, шинжлэх ухааны яамны вэбсайтад байршуулна
-
Нийт сонгон шалгаруулалтад оролцсон иргэдийг баримт бичгийн бүрдүүлэлт, ярилцлагын нийлбэр оноогоор жагсааж, хамгийн өндөр оноо авсан иргэдэд тэтгэлэг олгоно.
